NEW DELHI, OCTOBER 4 : Ministry of Health aro Family Welfare pora Ghaziabad laga Pharmaceutical Company ke Polio dawai (vaccines) ula pora baan kuridese. Etubi kedia jua habta phale Type-2 Polio virus baa bejete. Kele etu dawai toh thik nai (contaminated) koi kena.
Kotha hutha-huthe kura time te bivalent Oral Pilio Vaccine (bOPV) kan etu Pharmacy pora banai kena bata ke P2 Virus ase koi kena baise. Etu khobor huna bejete pora toh etu Pharmacy pora ki dawai batabole kuri ase etu kan sob batabole nadiya huise aro etu Pharmacy laga dawai kan sob baan kuridiya huise. Etubi kotha hutha-huthe kura bhal te khotum nahuijaa dak koi kena, Ministry khobor pora Wednesday din janaide thakise.
Etu nahua dawai (contaminated vaccines) chamala nemite bi Drugs Controller General of India (DCGI) pora bi FIR thalidese. Aro etu Pharmacy Company ke etu dawai kan bata sob rokhibole kuribi koi kena janaise. Aro etu oporte etu Company laga MD kebi thuridese koise.
Add Comment