November 26, 2024, 06:35 PM : DC Phek, John Tsulise Sangtam para dui din laga Inter-Departmental Tournament inaugurate kurishey, Phek laga, Badminton Indoor Stadium, Phek tey, 26th November, 2024 tey.
Itu jama kuria manu khan ke address kuri kena, DC para itu Inter-Departmental tournament laga importance opor tey kotha kurishey aru tai khushi pawa laga acknowledge kurishey, Office Club aru Evening Smashers, Phek karney, itu tournament organize kuriboley nimitey. Tai para itu staff khan ke encourage kurishey, alag alag department khan laga, tai khan laga enthusiasm aru participation maintain kuriboley, sports tey, ahiboley laga din khan tey bhi. DC para tai khan ke encourage aru tai khan ke good luck bhi wish kurishey, itu tournament laga participant khan ke.
Kosom khawa laga ceremony toh hoiley Additional SP Phek, Bendangtemjen Jamir aru Member, Core Committee IDT para administer kurishey. Thangkai Khongsai, Pastor, Kuki Baptist Church, Phek para invocation pronounce kurishey aru L. Mongsager, DAO, Phek para welcome note.
Program toh hoiley Shiekhozo Rhakho, Asst. Controller, LM&CP, Phek aru General Secretary, Officers Club, Phek para chair kurishey.
Add Comment