October 11, 2025, 05:07 PM: PM-National Apprenticeship Promotion Scheme (PM-NAPS) opor tey Awareness Programme loishey, kuntu toh hoiley Phek laga Town hall tey para loishey, 09th October, 2025 tey, tatey ADC Phek, Thejakhrienuo Nisa special guest hisap bui kena.
Nisa para tai laga address tey, “Learn While You Earn” laga phrase under tey, itu participant / student khan ke tai khan effort khan tey concentrate kuriboley encourage kurishey, classroom/textbook gyan aru Skill Development duita tey bhi, tai khan laga future prospect nimitey.
Tai para itu Nagaland laga Employment aru Skill Development & Entrepreneurship laga Department bhi appreciate kurishey, itu Program laga initiate kuri thaka nimitey, itu youth khan aru student khan ke target kuri kena, kun khan toh hoiley sob para bishi promising citizen khan asey, moi khan laga future represent kuriboley karney. Tai para aru bhi itu student khan aru upcoming youth khan ke encourage kurishey, full advantage loboley karney, itu platform laga, awareness program opor tey, skill development nimitey, kuntu toh hoiley State Government para organize kuri kena ahishey.
Pravin Yadav, State Coordinator, NSDE para PM- NAPS aru Student khan aru Establishment khan laga opor tey highlight kurishey, PM-NAP Portal opor tey, aru itu pichetey interactive session loishey, participant khan, student khan aru official khan para participate kurishey, itu program tey.
Kulo Kezo, DEO, Phek para welcome address propose kurishey, aru, Kikhruvinuo Suohumvu aru Roseline Pojor toh hoiley moderator thakishey, itu session laga. ITI Phekl aga Officer-in-Charge para vote of thanks deliver kurishey.
Add Comment