July 14, 2023 : Itu Raasta laga safety toh aru-bhal kuriboley kuri kena, kuntu toh hoiley Phek laga district logotey mili jai kena asey, Itu Phek laga District Road Safety Committee khan apra meeting rakhishey, 14th July 2023 tey. Itu meeting toh hoiley Deputy Commissioner laga Office Chamber tey hoishey, Phek tey para, tatey toh hoiley itu Phek laga Deputy Commissioner Kumar Ranikant IAS, aru committee member khan bhal para meeting loa laga dikhi paishey koi asey.
Itu meeting tey bishi bhak toh hoiley ki tey kotha koishey koiley, driver khan bishi husiyar thakiboley laga kotha khan loi kena, eneka para para gari khan chulaboley lagey itu khan dikhai kena, aru itu gari tey kiley pichey saboley laga aina toh dhaliboley lagey koi kena. Itu kotha khan toh hoiley he sob para asol aru poila kuriboley laga step asey koishey, district tey road safety khan aniboley nimitey.
Kumar Ramnikant IAS laga guidance tey, itu committee members bishi bhal para bhabisaishey itu strategies khan opor tey, awareness khan uthaboley drivers khan majetey safe para gari chulaboley practice kuriboley aha din nimtiey. Tai khan janiboley parishey itu education aru training program khan kiman jaroori asey raasta khan tey bhal para jani kena gari khan chulaboley nimitey.
Raasta tey safety nimitey agey barijaboley karney toh itu committee khan para toh sob gari khan tey pichey saboley laga aina toh dhaliboley laga koi kena asey. Itu aina khan toh hoiley pichetey kun ahi asey ki ahi asey itu bishi bhal para dikhi pai, tatey para kiba kibi ghanta jhamela hobo thakilebi bishi bachiboley parey, koi asey.
Itu meeting tai khan laga commitment khan share kuri kena khotom kurishey itu committee members khan majetey aru Deputy Commissioner Kumar Ramnikant IAS toh hoiley raasta laga safety toh bishi agey tey rakhiboley koi ken aitu Phek laga district tey. Tai khan toh hoiley koi thkaishey mili kena chuliboley bishi bhal para governemt authorities majetey, law enforcement agencies, aru local community khan majetey, aru bhal aru safe thaka laga raasta laga environment nimitey.
Thik itu district toh agey bari kena jai thaka homoi tey itu initiatives khan loi kena, itu Phek District Road Safety Committee toh hoiley tai khan laga itu mission toh mon di kena agey jaboley kuri asey raasta laga safety laga culture toh loi kena aru ghatna hoa nahoiley gari laga baji kuria toh komti kuriboley. Itu meeting tey kotha kuria laga kotha khan kaam lagai kena, kuntu toh hoiley manu khan laga bhal nimitey chulbaoley koi kena sey, aru raasta khan tey gari bira laga ekdam safe experience kuriboley aha din tey sob manu nimitey, Phek tey.
Add Comment