Phek: Badminton Stadium Phek town te 2nd October pora 5th October 2019 tak Phek District Inter-Departmental Tournament suru kurise. Etu tournament toh Evening Smashers Phek & Phek District Badminton Association khan logot te eksat kuri kena Officers’ Club Phek khan pora organize kurise.
Special guest Deputy Commissioner Phek, Sachin Jaiswal, IAS pora program suru kuri dise. Tai pora etu tournament te 358 total participate kuri diya karne organizing committee khan ke khushi janaise, tai pora participants khan ke tournament khotam howa tak phal pora aro hosa sportsmanship hoi kena khilibole koise.
Etu program te Namang Sepong Chang pora chairperson kurise, Veruyoyi Khesoh, Pastor DEF Baptist Church, Phek proa invocation kurise; Tokavi Achumi, NPS, Addl. S.P Phek pora welcome lodha kurise, Kuluvelu Swuro pora Special song kurise aro etu biche te Dziesebinuo Vizo, District Sports Officer, Phek pora Oath Taking loise. Etu tournament te khiliya games khan toh Badminton, Arm-wrestling, Chess aro Carrom khan ase.
Add Comment