October 16, 2024, 04:50 PM : Phek laga DPDB muhina laga meeting loishey, 15th October, 2024 tey, DPDB laga Conference Hall tey para, itu New & Renewal Energy, NSDMA nimitey advisor aru Phek laga DPDB laga Chairman – Z. Nyusietho Nyuthe laga chairmanship under tey.
Itu meeting toh hoiley welcome note para shuru kurishey, DC – John Tsulise Sangtam para, aru itu pichetey SP, Phek, Dr. Pritpal Kaur, IPS laga felicitation kurishey, tai laga achievement nimitey, IACP 40 under 40 Award 2024 tey. Dr. Pritpal para tai ke tai laga grateful thaka ke acknowledge kurishey, itu DPDB Phek ke, tai ke felicitate kuria nimitey.
Itu meeting ke address kuri kena, Advisor & Chairman DPDB Phek, Z. Nyusietho Nyuthe para toh hoiley bhal para state kurishey, itu State astey astey para development hoi thaka laga. Itu nimitey tai para urge kurishey aru remind kurishey, itu officer khan ke, itu development Department laga, tai khan laga sincere bhabana aru effort diboley, utu development program khan loboley karney, itu district tey judicious para.
Add Comment