Philippine para China coast guard kan confidence building deh disturb kuri ase kui shae

August 20, 2024: Tuesday din deh Philippines para China laka coast guard kan, South China Sea deh confidence bana bole motot kura nahoi kui shae. Philippine para China kan, taikan laka veseels keh damage kuri shae kui nah accuse b kuri nah ase. Philippine para China kan keh kui nah ase, aggressive actions para nalu b kui nah aro internation law tho follow kuri b kui nah ase, Alexander Lopez, country laka maritime council para kui shae. Country laka maritime council tho ekta inter-ministerial body ase, kuto South China Sea deh policy banai. Latest incident tho Sabina Shoal deh hui shae. Philippine kan tuita island deh ekta resupply mission conduct kuri taki shae. Island tho Spratly chain deh ase aro etu island tho taikan occupy kureh. Aro Spratly chain laka kun bah parts kan tho Chine, Vietnam aro Malaysia para contest kuri ase. China para Manila laka account keh challenge kuri shae aro Philippine coast guard kan ekta “unprofessional aro dangerous” manner deh act kuri shae kui shae. Ekta briefing deh, Lopez para China kan South China Sea deh taka Philippine sovereignty aro sovereign rights deh jani jani nah harassment aro infringement kuri ase kui shae aro council kan etu deh serious jinta express kuri ase kui shae.  China laka actions kan tho treaty ally, United States laka hath para condemnation tani shae. United States kan para etu actions kan tho “dangerous” aro “reckless” ase kui shae. Japan kan para b jinta kan express kuri nah ase, disputes kan tho peacefully settle kuri b kui nah.