October 17, 2020. Philippines laga Occidental Mindoro province te aji pujur earthquake 5.4 magnitude para helai thishe, koikena Philippine Institute of Volcanology and Seismology (Phivolcs) para janai thishe, etu mati hela toh 4:06 AM (Local Time) samay, Looc town para at 21 km northeast jaikena thakishe koishe. “mati hekai toh kam toh Calatagan, Batangas; aro Tagaytay City, Cavite (Intensity 4) aro Carmona, Cavite; Marilao, Bulacan; aro Talisay, Batangas (Intensity 3) te aha janishe, etu khobor toh The Manila Times para koishe. Intensity 2 mati helai toh Plaridel, Malolos aro San Rafael in Bulacan; Puerto Galera, Oriental Mindoro; Bacoor City; Marikina City, Quezon City, Muntinlupa City, aro Las Pinas City para be janishe koishe. Renato Solidum laga chief, Phivolcs para The Manila Times logot koishe ke, mati helai toh 12 km mati pithor te thakishe. Tai para arokoishe ke, manuh khan ke jokom nohoile mora khobor toh eku thakanai, hoilebi mati helai bechete ke hobo najani aro tsunami laga khobor be nai koikena janai thishe.
March 11, 2026
World's First and Only Nagamese Newspaper
Add Comment