Philippines te Typhoon Goni para 4 jun moraishe

Legazpi, Philippines: November 1, 2020. Sunday din Philippines te Typhoon Goni para komti hoilebi 4 jun manuh ke morai thishe. Authorities para sobse beya para lakai chaka te warning thikena hundred aro thousand manuh khan ghor jarikena jaishe. Etu saal sobse tangor typhoon toh Catanduanes Island te ahishe, hawaa laga speed toh 225 kilometres (140 miles) per gonda thakishe. Tai laga takot toh 310 kilometres per gonda aro etu para ghor roofs, gast keraise aro floods hoishe. Typhoon Molave etu eke chaka te ahikena 22 manuh morishe. Ek hafta thaka beche Goni ahishe. Komti hoilebi, 4 jun manuh pithor te 5 saal bacha ekta be Albay province te morishe, koikena Governor Alfrancis Bichara para local radio station logot janai thishe. Tui jun manuh paani te dupikena morishe aro ek jun toh volcanic mati para loi jaishe. Charta(4) manuh wala toh ghast kerikena moraishe. “hawaa toh besi tangor thakishe. Ghast hela awaaz be honishe. Besi takot thakishe,” Francia Mae Borras, 21 umer para AFP logot coastal city Legazpi, Albay te koishe. Evacuation centres laga roofs toh hawaa para orai thishe, aro manuh khan toh ground floor te jaishe. Etu khobor toh provincial public safety chief Cedric Daep para DZBB radio station logot koishe. “floods para ami khan bosti paani oper hoishe, Carlos Irwin Baldo, Camalig, Legazpi laga osor mayor para koishe. Etai dak, 346,993 manuh ke ghor para othaikena ase, Civil Defence chief Ricardo Jalad para janaishe. National Disaster Risk Reduction and Management Council para warning thikena  peraishe. Thousands neshina sepai aro police kan manuh ke pachabo nemite tayaar te ase. Weather service para warn korishe ke, floods aro landslides nemite warn korishe.