February 11, 2024 : Itu Southern Philippines tey hoa laga landslide tey manu muria toh hoiley 54 tak uthishey koi asey, itu provincial government para Sunday tey koishey, rescuers khan para aru bishi manu muria laga body khan khandi kena paishey koishey, mati tey para.
Itu landslide hoa toh hoiley Tuesday din tey hoa laga asey, ekta gold mine kuria jaga osor tey para, Maco town tey, itu Davao de Oro laga province tey, ghor khan ke pura mati bhitor tey tupai di kena aru gari khan kuntu tey employee khan ke loi jaishey thakishey utu khan ke bhi, itu Apex Mining (APX.PS) para operate kuria laga site tey.
Davao de Oro laga provincial government para koishey, ekta Facebook post tey ki, 54 manu khan toh hoiley murishey, landslide tey, itu agetey 37 thaka tey para aru bhi uthi kena, rescuers khan para aru bhi body khan pai kena.
Manu khan hai kena thaka laga number toh 63 manu asey koi asey, itu provincial government para koi asey, itu number khan toh itya bhi verify hoa nai. Tatey pura puri 32 manu khan toh hoiley jokhom paishey itu landslide hoa tey para.
Edward Macapili kun toh hoiley ekta official asey, Davao de Oro tey, tai para koishey, 300 manu khan nishina involved thakishey itu rescue tey, hoilebi itu operation ke bishi pani gira para aru gila mati bishi thaka para dikdar di asey, aru itu nimitey aru bhi treat di asey landslide hoboley laga. Rescue kuria laga kaam toh hoiley Sunday fujur tey shuru hoishey, Sunday morning tey, Macapili para koishey.
Add Comment