Phom Language Promotion Aru Translation Cell Launch Kurishey, Yingli Collage Longleng Tey

March 07, 2025, 06:12 PM: Itu Phom Language Promotion aru Translation Cell launch kuria laga loishey, 6^th March, 2025 tey, Longleng laga Yingli College tey, tatey Deputy Commissioner Longleng, W. Manpai Phom, NCS toh special guest hisap buhi kena.

Yingli College laga Principal – Dr. T. Temsu Imti para tai laga keynote address tey, regional language khan laga implementation opor tey kotha kurishey, educational institution khan tey, NEP 2020 laga hisap tey. Tai para common Phom dialect chulaboley encourage kurishey, student khan bhitor tey aru mother tongue toh preserve kuriboley karney koishey.

Itu Phom Language Promotion aru Translation Cell toh hoiley launch kuria toh, itu akha thaki kena ki, itu para Phom language laga introduction kuribo koi kena, itu college laga ekta subject hisap tey. 

Itu program laga special guest toh hoiley Deputy Commissioner Longleng, W. Manpai Phom thakishey. 

Phom People’s Council laga President – Y. B. Angam para tai laga khata speech tey, tai laga gratitude express kurishey, itu cell establish kuria karney aru tai para itu college laga progress opor tey bhi kotha kurishey, kuntu toh hoiley 1992 tey establish kurishey.