April 01, 2025, 05:33 PM: Monyiü toh hoiley duita Phom laga kotha para ulaishey, “Mo” kuntu maney festival aru “Nyiü” maney ama nahoiley sob para dangor. Itu nimitey, Monyiü toh hoiley sob para dangor festival asey nahoilebi festival laga ama asey, itu Phom Naga khan laga. Itu toh hoiley ekta spring festival asey.
Itu traditional Phom khan para itu bhi bisas kurey ki, muri jawa manu khan laga soul khan toh tai khan laga permanent ghor phaney jai loi, itu Monyiü celebrate kuria pichetey hey.
Itu nimitey Monyiü toh hoiley goodbye kuria laga bhi homoi ekta asey, nijey laga morom kuria manu muri jawa khan ke.
Monyiü toh hoiley ekta dangor romance laga bhi homoi thakishey, especial para jawan lover khan nimitey. Utu homoi tey bishi chukra khan toh ekta opor pahar tey uthi kena, gass khan tey uthi kena nahoilebi swim kuri kena pani tey, sundor sundor phool khan loboley jai- minchiü (orchid), monyiü chiü (lily). Tai khan bhal laga maiki ke diboley karney.
Dhun thaka khan toh warrior khan asey, kun khan toh tai khan laga social status exhibit kurey. Tai khan nijey ke dress kuri kena aru tai khan laga parivar khan ke. Alag attire khan para, Monyiü laga homoi tey. Tai khan laga dushman ke murai diya laga hardi-matha bhi display kurey, ritual khan perform kuri kena, itu festival laga homoi tey.
Tai khan laga ghor khan alag para sajai diye itu festival laga homoi tey.
Add Comment