October 21, 2024, 03:37 PM : Itu Police Commemoration Day Parade toh hoiley, Nagaland Police Headquarters (PHQ), Kohima tey para loishey, kotey Nagaland Police laga Director – Rupin Sharma, IPS para itu jama kuria jaga ke address kurishey, policemen khan ke tribute pay kuri kena India pura laga.
Tai laga speech tey, Sharma para itu Police Commemoration Day laga historical significance highlight kurishey, kuntu toh hoiley October 21, 1959 pura asey. Itu kaga din tey ekta CRPF mobile patrol party, kuntu toh hoiley Deputy Central Intelligence Officer Singh para lead kuri kena jai thakishey, tai khan ke Chinese troop khan para ambush kurishey, Hot Springs tey, Ladakh tey, kotey 10 jon manu muraidishey, utu homoi tey. Aru alag personnel khan ke dhuri kena loi jaishey, aru itu Chinese forces khan para pichetey itu dead body khan toh wapas kuri dishey, November 13, 1959 tey. Itu martyr khan laga cremation toh hoiley utu laga dushra din tey kurishey, Hot Springs tey para, kuntu toh hoiley 16,000 feet ucha altitude laga location tey thaki kena asey.
Itu brave manu khan ke honour kuriboley, itu police laga head khan, itu sob Indian State khan para 1960 tey decide kurishey, October 21st toh Police Commemoration Day koi kena observe kuribo koi kena, hudai saal.
Itu din toh hoiley ekta reminder hisap serve kurey, itu selfless service aru ultimate sacrifice laga, police personnel para tai khan laga jaan di diya laga, duty laga line tey, India pura tey.
Add Comment