April 28, 2021. Deputy director Press Information Bureau handling media & communication Ministry of Social Justice & Empowerment, Sanjay Kumar Srivastava toh GTB Hospital te admitted korikena tui(2) din thaka beche, Tuesday pujur Covid bemar para morishe, tai laga umer toh 56 thakishe koishe. Tai para jarikena jowa toh maiki aro chokra ek jun ase. PIB kam kora pithor te Ministry of Information and Broadcasting para koishe ke, Srivastava toh Ministry of Tourism pithor te be kam kori thakishe. Tai 34 saal neshina IIS [Indian Information Service) te kam kora samai, “tai alag-alag PIB unites te be kam korishe aro central minister laga personal staff be thakishe.” Statement te koishe ke, Srivastava para NCERT pithor te public relations officer kam be korishe. PIB officials para janaishe ke, Srivastava toh Atal Bihari Vajpayee government thaka samai Union minister, Sharad Yadav logot be besi osor te kam korishe. Etu beche, tai Vice-President Hamid Ansari logot PIB officer laga kam kori thakishe. Tai mora oper te ministry para koishe, “tai para public service te aro jevan te bhal kam kora toh hotai din yaat thakibo”. Tai laga sati khan para “media te aro personal connect thakibo” koishe. Thursday sam dak toh tai laga sathi ek jun para koishe, Srivastava toh virtual press conference samai thikishe koikena janaishe.
Add Comment