June 29, 2024: Press Information Bureau (PIB), Kohima, Ministry of Information and Broadcasting para teentha nutun Criminal Laws deh ekta one-day media workshop ‘VARTALAP’ organise kuri shae. Etu teentha nutun Criminal Laws laka nam tho BharatiyaNyayaSanhita (BNS) 2023, the BharatiyaNagarikSurakshaSanhita (BNSS) 2023, BharatiyaSakshyaAdhiniyam (BSA) 2023 aro workshop tho Kohima laka Ura hostel deh lui shae. Nutun criminal laws kan tho 1st July 2024 para force deh ahi bo. BharatiyaNyayaSanhita 2023, BharatiyaNagarikSurakshaSanhita 2023 aro BharatiyaSakshyaAdhiniyam 2023 tho Indian Penal Code, Code of Criminal Procedure aro the Indian Evidence Act keh replace kuri bole ase.
Etu laws kan implement kura piche deh sob judicial process tho online deh kuri bo aro India tho taikan laka criminal justice system deh sobse modern technology chua country hobo. Etu laws kan para ‘tareekh-pe-tareekh’ laka trend tho kotom kuri bole sure kuri bo aro teen sal pitor deh justice dia ekta judicial system keh establish kuri bo. NEPS News laka Editor, Oken Jeet Sandham, para laws laka fundamentals kan tho justice deliver kuri bo karne ase kui shae. Tai para Article 371A karne laws laka interpretation tho complicated hui jai shae kui shae. Tai para Article 371A para Nagaland laka state keh special provision deh kui shae. Sandham para kun bah time deh corruption para judicial system keh damage kureh kui shae aro ek hazar manu kan justice access kuri bo para ni kui shae. Sandham para tai hope kuri ase kui shae, nutun criminal laws deh amendments kan taki bo kui nah.
Add Comment