America, 22 May : Ahia mahina laga Copa America dey Coaches khan ekta 6th aro extra substitution haliwo pariwo, suspected head trauma nahuiley concussion nishna cases dey.
South American soccer laga governing body CONMEBOL para Tuesday dey itu faisla announce kurishey, sob competitions karney itu valid kuri dishey, ekbar Copa America June 20 dey United States dey shuru hua piche dey.
CONMEBOL para ekta statement issue kurina kuishey ki coaches para referee nahuiley concussion replacement laga 4th match official ke ekta pink substitution pass para janai diwoley lagibo. 2021 dey itu nishna eki method ekta Major League Soccer dey ekta FIFA pilot program laga part nishna implement kurishey.
Itu haalat andar dey khiladi khan kun pitch charina jai taikhan assessment karney locker rooms nahuiley hospital dey jawo lagibo.
Team doctors kun pitch dey ekta suspected concussion nahuiley head trauma detect kurey, taikhan CONMEBOL ke ekta medical report pathawoley 24 gondha pawo, itu South American body kuishey.
Add Comment