Indore, November 5 : Madhya Pradesh te, November 17 te voting hobole agey te, Union Minister Piyush Goyal para koisey ki Bharatiya Janata Party (BJP) tu Madhya Pradesh te sarkar banabole laga rasta te asey aro Prime Minister Narendra Modi laga leadership te taikhan para ekta “double engine sarkar” banabole asey.
Piyush Goyal para Sunday din te Indore te ekta press conference te kotha kora homoitey koisey, “Amikhan para Indore ke safa kuribole asey, aro amikhan tu etu pakka asey ki BJP para aro ekbar Madhya Pradesh jitibo aro sarkar banabo. Prime Minister Narendra Modi laga leadership under te ekta double-engine sarkar thaka para rajya te development anibo.”
Union Minister para Narendra Modi laga popularity aro tai para desh ke ekta nutun ucchayi te loijabole laga determination(bhabna) ke tariff kurisey.
Tai para koisey, “ BJP para juwa 10 saal te desh nimitey mon dikina kaam kurisey. Desh te Prime Minister Narendra Modi laga popularity(naam dangor thaka) para Madhya Pradesh te ekta zimidar thaka sarkar banaikina Madhya Pradesh ke develop kuribole bi modod kuribo.”
Goyal para koisey ki Madhya Pradesh laga manu khan tu Prime Minister Narendra Modi logotey asey. Narendra Modi laga heart(mon) Madhya Pradesh logotey thaka nisna.
Piyaas laga daam utha laga kotha kurikina, Goyal para koisey, “Poila te, sarkar para 2 lakh tone piyaas laga buffer stock rakhi thakisey. Etya, achanak para pani gira tu dimag te rakhikina, etu buffer stock ke 5 lakh tone tak uthijaisey.
Union Minister Piyush Goyal para koisey ki India laga etihas te first time piyas tu etya bazaar te ek kilo Rs 25 te pai asey.
November 17 te ekta phase te voting hobole thaka 5ta rajya majotey Madhya Pradesh bi ekta asey. Etu vote khan laga ginti tu December 3 te hobole asey.
Add Comment