Pichla kunwa saal te, India plastic pollution laga dangor problem khan ke rokhibo nimite dangor step loi ase. 1 July 2022 te pura desh te single-use plastic ban koridibo laga policy shuru kora pichete, sarkar environment kharap kori thaka itu problem ke rokhibo te serious ase kuina signal dise. Kintu, tin saal para bi, question itu bachi ase – itu plastic ban policy khan asal te kaam kori ase nki?
India har saal te around 3.5 million tonne plastic waste generate kore, aru bisi hissa single-use plastic hoi – straw, plastic cutlery, polythene bag aru packaging material khan. Itu khan kom samai use hoi, kintu hundreds saal te bi decomposition nohoi, drain block kore, nodi kharap kore, aru janwar khan ke damage kore. Itu danger bujina, sarkar manufacture, import, stock rakha, distribute, sell aru use kora kunwa single-use plastic item ban kori dise. Itu step ke bishi log necessary aru urgent action hisab te appreciate kori dise.
Kintu, itu ban laga implementation pura desh te ekdam equal nohoi. Metro city nishna Delhi, Mumbai aru Bengaluru te awareness besi ase aru enforcement bi strict ase. Kintu chutu town aru gaon khan te plastic abhi bi free te bazar aru daily life te use hoi thake. Main problem hoile affordable aru easily available plastic alternative nai. Chutu dokan, street vendor aru local business khan besi daam laga paper, kapra nai to biodegradable packaging use koribo te struggle kori thake.
Dangor manufacturer khan rule follow kori thake, kintu bisi plastic item informal sector aru chutu industry pora ahibo karone monitor aru regulate kora hard hoi jaye. Jodi strong monitoring mechanism nai, itu khan itia bi production chali thake aru ban laga motive ke kharap kori dey, aru responsible business khan disadvantage te thaki jaye.
Dusra problem hoile public laga behavior. Bisi manu ban laga detail janibo pare nai, nai to seriously loi nai. Itu partly awareness campaign kom thaka karone aru partly ground-level enforcement weak thaka karone. Hoilewi public plastic laga environment damage buji aru nijor responsibility loi nai, policy matro pora lasting change ahibo napare.
Hoilebi, progress ase. Kunwa state government eco-friendly initiative launch kori ase – kapra aru jute bag promote kora, aru biodegradable alternative banai thaka startup khan ke support kora. NGO aru student group khan bi awareness raise kori aru public jagah clean kori thake.
Agey loi jabo nimite multi-pronged approach lage: strong enforcement, alternative te besi investment, aru consistent public education. Centre aru state mila kaam kori packaging te innovation support kora lage, chutu business khan nimite alternative subsidize kora lage, aru repeat offender khan ke punish kora lage. Sobse important hoile, public laga mindset aru daily habit change kora lage.
India laga plastic ban policy bhal direction te ase. Kintu asal impact loi ahibo nimite, itu paper te nohoi, practice te ahibo lage. Plastic pollution khan ke rokhibo matro sarkar laga responsibility nohoi – itu ekta collective mission ase juntu nimite sob India manu laga participate kora laga dorkar ase.
Add Comment