Ahmedabad, 25 October: Friday din Union Home Minister Amit Shah para manu khan ke shopping nemice kapura laga bag jolabole koise aro plastic bags najolabole koise.
Tai koise, plastic waste para mathi deh parish paani toh soil deh absorbed nahoi aro etu para guru ke morai dae ketiya tai khan khai.
Prime Minister Narendra Modi aro Amit Shah single-use plastic jola toh rokhibo nemide besi par koikena ase.
Kalol, Gandhinagar deh ekta function lowah time deh ahiya khan sob ke kapura laga bags deya thakishe. Etu time deh disabled nohoile “divyang” manu khan ke be motob deya thakishe.
Function deh Amit Shah toh chief guest nemide thakishe. Function deh Union Social Justice Minister Thawarchand Gehlot be thakishe aro etu function toh tai laga ministry para ola laga ase.
Amit Shah koise, “Yati ahiya apuni khan sob ke bag de ase. Ami khan para etu kapura laga bag toh vegetables aro groceries nesana khan kina time deh jolabo lakae. Plastic bags jola toh charibo lakae”.
BJP leader koise, “Plastic bags degrade hobo nemide 400 sal loi. Judi thousand opor families para etu hosiyar janikena plastic bags jola bondh korise koile mathi toh pollution para bachibo”.
Tai koise, “Junked plastic bags para paani toh underground deh jabole nadae aro underground paani laga level toh namijai. Guru khan para plstic khai kena tai khan morijai. Etu toh ami khan para plastic bags deh khaa-lowah thakikena phela para hoi”. Amit Shah para programme deh ahiya maike khan ke besi phak shopping time deh plastic bags jola toh bondh kuribole koise.
Tai koise, “Judi apuni para kapura laga bags jolaise koile etu toh fashion hoijabole ase aro sob para apuni ke follow koriya thakibo. Tai para prime minister Modi ke ektum kushi powah janaishe kelay koile etu issue opor deh monchida korikena awareness ola karni.
Add Comment