Canberra, Australia: Australia te jaa manuh khan para plane te COVID-19 negative test result toh thikabo lage koikena Friday din Prime Minister para junai thishe. Brisbane city te notun coronavirus bemari cases thura beche lockdown hoishe. Brisbane city toh 2 million oper manuh thaka jaga ase aro etu Australia laga sobse tangor 3 desh ase aro etu jaga para manuh khan peraboli bondh ase. Friday sam te Britain te first powa notun bemar toh ek jun manuh logot paishe. Australia te cases besi paishe hoilebi etu cases toh first quarantine system bahar te thurishe. Australia te aro hostel quarantine te South Africa para aha logot notun bemari toh thurishe. Hotel te kam kora manuh nahoile cleaner logot bemari toh Britain para aha manuh logot para lakishe nai nahoi khobor nai, hoilebi Australia te aha manuh khan para negative test result toh thikaboli lage, koikena Prime Minister Scott Morrison para junaishe. “negative test toh proof nahoi, positive test hoile nahibo” Chief Medical Officer Paul Kelly para capital, Canberra te reporters khan logot koishe. PM Morrison para Brisbane lockdown toh janishe aro notun virus toh jolti pheliboli osor te ase koishe. Australia te novel coronavirus cases toh 28,500 neshina hoikena aro 900 manuh morikena ase. March moina para border bondh korikena ase aro non-citizens aro permanent thaka manuh ke eke hafta te 6,000 manuh khan ke ahiboli dey ase, etu samai manuh khan hotel quarantine koriboli lage koishe. 35,000 Australians manuh khan registered hoikena ase, Morrison para aro koishe manuh aha toh February moina para komti koribo, keli koile notun bemari toh besi danger ase. Dosura desh te Queensland jaga toh isolate korikena ase. Western Australia para koishe, Queensland te thaka manuh khan peraboli bondh ase aro bahar para aha manuh khan logot quarantine toh koriboli lage koishe. Brisbane te thaka manuh khan mask lakaina business kori ase. Funeral aro weddings te 20 jun nahoile 10 jun limited ase, etu samai entertainment jaga toh bondh ase aro restaurant aro cafes te hoile kali loikena jaboli dey ase. Officials khan para 79 manuh ke isolated te rakina ase. Prime Minister para koishe, quarantine hotels te kam kora manuh ke logot hoita COVID-19 tests loboli janaishe.
