PM, Jacinda Ardern koishe ” Virus kamyab”

Wellington: October 5, 2020. Monday din te Prime Minister Jacinda Ardern para junaishe ke, New Zealand te “virus ke aro kamyaab” korishe aro desh te restriction thaka toh hatoboli kosihe. New Zealand te second Covid-19 wave toh rokabo parehse. Virus ke May moina para hataboli parehkena ase, New Zealand te tangor lockdown thaka beche, community transmission nathakina 102 din wala jai ase koishe. Hoilebi, August moina te Auckland te aro notun bemari olaishe, etu nemite 1.5 million manuh thaka city te tin(3) hafta oper lockdown korikena thakishe. Auckland te notun bemari nathakina 12 din hoiase. Ardern  para Monday din te koishe ke, virus toh etai control te ase aro tai para manuh khan logot second lockdown kamyaab howa nemite kushi janai thishe. “Aucklanders aro Zealanders khan para plan kora hesab te tui par parishe aro virus logot jatishe”. Jaa Wednesday din te Ardern para koishe ke, Auckland khan para New Zealand logot level one te melikena kam koriboli koishe. Botli kora kam te, social gathering samay eku restriction nai, etu para second Bledisloe Cup Test, Auckland te October 18 darik para keliboli ase aro etu samay Eden park te manuh besi thakibo. “(Auckland fans) khan nemite etu bhal khobor ase, tai khan Test match rugby toh saboli paribo,” koikena New Zealand Rugby para statement te jani thishe. New Zealand te five million manuh pithor te, Covid-19 bemari para 25 manuh ekla morikena ase, aro etu oper te 40 bemari cases ase koishe. Hoilebi, Ardern, kaun October 17 darik te general election thakibo ase, kamyaab toh asani para nalobili lage.