PM Modi: District govt hospital te oxygen plant bonabo

April 26, 2021. Prime Minister Narendra Modi para junaishe ke, district headquarters te government hospitals aro alag-alag states/Uts te dedicated oxygen generation plants toh bonai thibo. Desh besi te Covid-19 positive cases othi-thaka nemite aro oxygen komti howa nemite manuh mora laga khobor honikena PM Modi para etu fesla toh loishe. Hospitals te oxygen thakibo nemite, PM CARES fund para 551 dedicated pressure swing adsorption (PSA) medical oxygen generation plants toh desh pura te public health facilities pithor te rakiboli janaishe. PM Modi para etu oxygen plants toh jolti te kam soruh koriboli janaishe.  Prime Minister para aro koishe ke, etu plants para district level te oxygen toh paijabo. “etu dedicated plants toh district headquarters sob te aro States/UTs laga government hospitals te bonabo,” koikena PM Modi para janaishe. Etu kam toh Union health & family welfare ministry pithor te kam toh koribo. “etu saal akhe te be, PM CARES Fund para 162 dedicated Pressure Swing Adsorption (PSA) Medical Oxygen Generation Plants toh desh laga public health facilities te bonaboli nemite Rs. 201.58 crore dishe,” PMO para statement te janaishe. District headquarters pithor te government hospitals te PSA oxygen generation plants bonaboli bapana toh etu hospitals te oxygen generation facility thibo nemite ase, koikena health ministry para janaishe. “etu kam toh tayar thakile, district hospital te oxygen generation facility toh hotai din nemite manuh ke motob pabo,” statement te koishe.