PM Modi: Gujarat accident nemite 2 Lakh Compensation

New Delhi: Wednesday din Gujarat’s Anand district te rastha accident te mora manuh nemite mon dukh howa janaishe aro mora ghor manuh logot compensation Rs 2 lakh thiboli junaishe. Etu rastha accident te tuita(2) bacha aro 7 jun jawan khan jai thaka samai opposite jaga te truck logot Anand district te Indranaj bosti te laka-laki hoikena morishe. Tuita bacha toh 3 saal aro 5 saal umer mora oper te tuita(2) maiki manuh be etu accident te mora pithor te samil ase koishe. “Gujarat Anand district rastha accident te keman jun morishe, tai khan laga ghor manuh logot mon duhk howa janai ase aro sob manuh ke PMNRF nam para Rs 2 lakh  thibo,” koikena Prime Minister Modi para tai laga office para junai thishe. Etu accident toh Anand district para Ahmedabad district Vataman, state highway Tarapur logot connect kora ratha te hoishe, koikena Tarapur police station official para janaishe. “etu car te 10 jun manuh pithor bacah ek jun be samil hoikena jai thaka samai speeding truck para ahikena marishe. Etu gari te 10 jun manuh sob toh jaga te morishe,” tai para khobor toh janaishe. Gari toh Vataman jaga jai thakishe aro truck toh opposite ratha para ahi-thakishe koishe. Etu samai gari para mora bodies toh olaboli kori thakishe aro mora manuh khan ke janiboli khobor kori thakishe, koikena officials para aro koishe.