MADHUBANI, BIHAR, OCTOBER 8 : Bihar Deputy Chief Minister Sushil Kumar Modi pora Sunday din public manu kan ke aro Prime Minister Narendra Modi ke 2 bar wala PM hobole karne opai debole kotha janaide thakise. Etubi ahebole laga 2019 General Election (Lok Sabha) te vote kurikena.
Khutauna Block, Bihar laga Madhubani jaka te Backward manu kan besi jun chama kurikena thaka ke kotha kurikena etu Sushil Modi pora apuni kan Public manu toh Narendra Modi ke aro tusera opai debole kuribi. Etubi ahebole laga Lok Sabha 2019 te. Aro RJD-Congress 2 jun mela-mele kurikena Election manabole kura ke toh pura-puri keraidebole kuribi aro NDA Sorkar ke hataidebole kuribi koi kena janaide thakise.
Etu Deputy CM porabi Vishal Ati Pichhra Samagam laga din te kotha kurikena RJD aro Congress Party 2 jun pora etu ENC kan ke Panchayat Polls nemite Reservation bi nadi koi kena janaide thakise. Etubi EBC cell pora mana din te. Matlab etu pora BJP Party ke vote kuribole kuribi. Etu huile tai kan EBC ke reservation babo koa laga kotha.
Tai bi PM Narendra Modi laga Sorkar bitorte SC aro ST Commission laga hisab pora OBC Commission kan sob ke ekta Constitutional Status de ase. Etu karne etu jaka laga manu kan sob ke PM Modi ke vote kurikena ahebole laga election te PM nemite aro anedebole kuribi koi kena janaide thakise. Etu huilebi Backward manu aro tusera kan sob nemite bhal hobo koi kena.
Add Comment