PM Modi laga mahina Radio Broadcast ‘Mann Ki Baat’ June 30 para shuru huwo

New Delhi, 18 June : Prime Minister Narendra Modi para aji kuishey ki ‘Mann Ki Baat’ mahina par laga radio broadcast toh June 30 para shuru huwo aro manu khan ke itu karney ideas aro inputs share kuriboley urge kurishey. “Elections karney kunwa maahina laga gap pichedey share kuriboley khushi asey ki, #MannKiBaat toh wapis ahishey! Itu mahina laga programme toh Sunday, 30th June dey thakibo,” tai para X dey ekta post dey kuishey. “Itu karneh mui sob manu ke nijor laga ideas aro inputs share kuriboley kui asey. My Gov Open Forum, NaMo App dey likhibi nahoiley 1800-11-7800 dey message record kuribi,” PM Modi kuishey. Prime Minister Modi laga mahina ‘Mann Ki Baat’ broadcast toh February 25 dey air kurishey aro Lok Sabha polls karneh ekta ekta gap luishey. Itu programme laga 110th episode dey, PM Modi para itu elections dey first-time voters ke record numbers dey poll kuriboley kuishey aro kuishey ki taikhan laga maiden vote toh desh karney cast kuriboley lagey. Election Commission laga Model Code of Conduct (MCC) guidelines para governments ke official events nahuiley public-funded platforms nachulawoley kuishey, kuntu para ruling party ke publicity nahuiley political advantage dey.