December 22, 2024: India off-spinner Ravichandran Ashwin laka announcement para sob cricket fan keh hilai di shae. Game deh itia b sobse bhal spinner ekta, Ashwin paara Border-Gavaskar Trophy laka atha deh taila international career deh time mati shae. Brisbane Test tho kotom hua time deh, India camp deh ekta upsos taki shae, Ashwin tho taila boots keh hang kuri dia karne. Indian dressing room deh taka taila teammates b shock hui jai shae, etu announcement para. Ashwin tho taila career laka aro ekta chapter karne ready kura time deh, India laka Prime Minister Narendra Modi para iconic spinner keh ekta heartfelt letter share kuri shae. Taila letter deh, PM Modi para kinaka Ashwin laka retirement announcement tho ekta carrom ball nishi nah laki shae kui shae. International cricket deh india karne sobse highest wicket taker taki nah, personal sacrifice tak, PM Modi para Tamil Nadu para aha off-spinner keh taila gratitude di shae, game aro country karne taila sob dia karne.
PM Modi laka glorious tribute, R Ashwin keh
Add Comment