NEW DELHI, NOVEMBER 9 : Prime Minister Narendra Modi toh Madivian President nemite Ibrahim Solih kossom din karne jai kena etu din te thakibole ase. Etubi November 17 te koi kena, Foreign Ministry pora Friday din janaise.
September 23 Presidential Election, Maldivian desh laga te President Yameen Abdul Gayoom Yameen ke etu Ibrahim Solih pora haraidese. Etu karne edia toh Maldivian President nemite etu Mr Solih hobole ase. Etu karne tai November 17 President nemite kossom khaa time te PM Modi bi ahe kena thakibole ase koise.
Etu bejete PM Modi bi Singapore Desh te 13th East Asia Summit aro tusera meetings kan manabole karne jabole ase. Etubi November 14 aro 15 te koi kena, Foreign Ministry nemite kotha kura manu Raveesh Kumar pora Media khobor te janaise. Etu oporte etu kotha kura manu pora bi US kan India desh ke Iran desh laga haat pora dail luise koile husir laga action manabole kuribo koi kena janaise. Huilebi edia toh India desh laga halat pujibai kena ene charide kena ase koi kena janaise. Etu ke khali India desh logot te hi nahui kena tusera 8 jun desh logot kebi ene charide kena ase koise. Etu 8 jun desh kan majutte India, China ario Japan desh kana se koise.
Add Comment