Agencies, 26 September: Sunday te Prime Minister Narendra Modi toh New Delhi te ponjishe. Etu agae tin din PM Modi toh US te thakise.
United States te lok kora samai United Nations General Assembly session te kotha korise aro first in-person Quadrilateral Security Dialogue (QUAD) Summit te hisha thakise.
BJP national president JP Nadda, party general secretaries Arun Singh aro Tarun Chugh aro former union health minister Harsh Vardhan toh airport te PM Modi ke receive koribole thakise.
United States te lok kora samai PM Modi para be US President Joe Biden aro Vice President Kamala Harris logote bilateral talks nemite bohoise.
Tai be alak alak American companies laga Chief Executive Officers (CEOs) ke lok korise. PM Modi para be Australian Prime Minister Scott Morrison aro Japan Prime Minister Yoshihide Suga logote kotha korise.
PM Modi lok kora toh United Nations General Assembly laga 76th session te kotha kori kena kothom korise. Foreign Secretary Harsh Vardhan Shringla para PM Modi United States te lok kora toh ektum kamiyab ekta thakise koise.
Add Comment