New Delhi, June 24: Congress leader Rahul Gandhi pra Monday dae Constitution lah ekta copy dikhaishey kitya Prime Minister Narendra Modi tho stage dae jai thakishey oath luwoley, 18th Lok Sabha Session lah first din dae. Congress party pra ekta video share kura upur, Rahul Gandhi kae dikhi asey Constitution lah copy thuri kina kitya Prime Minister oath lua time dae. “Constitution upur PM aro Amit Shah hamla kura tho acceptable nohoi, amikhan pra etu huwoley nidiwo. Etu karney amikhan constitution thurishey etu oath lua time dae. AMikhan lah message tho jai asey, eku power pra India lah Constitution chuwoley nepariwo”, Rahul pra reporters khan kae etu koishey. PM Modi, kun tai lah Varanasi seat jitishey, tai tho etu mohina dae third term karney PM huwoley sorn in kuirshey, tai lah Council of Ministers lokot.
PM Modi Oath lua time dae Rahul Gandhi pra Constitution lah copy uthaishey
