PM Modi para 4 States CM ke kotha koishe

New Delhi: Thursday din te Prime Minister Narendra Modi para Telangana, Andhra Pradesh, Odisha, aro Jharkhand laga Chief Ministers khan logot nejor state te COVID-19 halat nemite kotha koishe, koikena officials khobor para janai thishe. Tai khan para koishe ke, Prime Minister Narendra Modi para Puducherry aro Jammu & Kashmir laga Lieutenant Governors logo be tuita(2) union territories te COVID halat nemite kotha korishe. Andhra Pradesh toh 10 states pithor te bemari cases toh 70 per cent neshina ase koishe. Health Ministry hesab te Telangana te 77,127 active cases ase aro Andhra Pradesh te be etu neshian 1,70,588 cases ase. Odisha te 71,134 hoikena ase aro Jharkhand te 59,532 active cases thurikena ase. Puducherry and Jammu & Kashmir te virus second wave samai COVID-19 cases toh othishe. Puducherry te 11,717 active cases ase aro Jammu & Kashmir te 39,628 active cases hoikena ase. Etu din te aro Prime Minister Narendra Modi para India te COVID-19 halat saboli nemite besi bhal para kotha koishe. Tai para alag-alag state aro districts te COVID bemari laga detailed te khobor janaishe. Tai para koishe ke, 12 states te 1 lakh active cases oper thaka te aro districts te bemari saboli nemite kam janaishe. Tai para aro states te healthcare bonaikena jai thaka laga be kotha koishe. States para healthcare bonaikena thaka aro banai thaka te bhal para saikena motob koriboli janaishe.