PM Modi para April 28 te Assam visit koribo

GUWAHATI: Prime Minister Narendra Modi para etu moina April 28 darik Assam’s Dibrugarh  visit koriboli ase, koikena etu laga khobor toh Sunday din Assam Chief Minister Himanta Biswa Sarma para junaishe. Prime Minister Narendra Modi para visit kora samai, 7 Cancer Hospitals inaugurate koribo aro etu oper te aro Dibrugarh te dosura 7 Cancer hospitals laga foundation stone kulibo koishe. Etu din te aro Prime Minister Narendra Modi para Khanikar police reserve field te public meeting ekta te kotha koriboli ase koishe. Modi para Assam state visit koriboli thaka nemite, Sunday din Chief Minister Sarma para Dibrugarh te Khanikar Police Reserve area toh jaikena visit korishe aro etu laga jaga pura toh saishe. Chief Minister Sarma para para etu jaga laga officers logot Prime Minister para public function toh kamyaab hoboli nemite jaga toh sapa korikena thakiboli janaishe. Tai para aro koishe ke, hospital te facilities sob rakina thaka samai Prime Minister para April 28 darik te manuh nemite dedicate koribo. Sarma para aro DC Dibrugarh aro State government laga dosura senior officers logot meeting korikena Prime Minister laga visit toh kamyaab hobo nemite kam koriboli janaishe.