Headlines • National

PM Modi para ICMR laga tinta notun high-throughput labs suru korise

July 27, 2020
9 Views

Agencies, 27 July: Monday te Prime Minister Narendra Modi para Indian Council of Medical Research (ICMR) laga tinta notun high-throughput testing facilities suru korise. Etu notun testing facilities para ek din te 10,000 opor samples test koribole paribo. ICMR-National Institute of Cancer Prevention and Research (Noida), ICMR-National Institute for Research in Reproductive Health (Mumbai) aro ICMR-National Institute of Cholera and Enteric Diseases (Kolkata)  toh tinta facilities ase aji (27th July 2020) Prime Ministe para suru kora.

PM Modi koise, etu labs toh khali COVID-19 laga testing ekala nemide restrict nathakibo hoilebe etu toh ahibole din tusara alak alak bemari – Hepatitis B and C, HIV aro Dengue nesana laga testing nemide expand hobo.

Dasta points janibole:

  1. Etu notun testing facilities para West Bengal, Maharashtra aro Uttar Pradesh ke COVID-19 kelaaf fight nemide besi dagot debo.
  2. Aji desh te 11,000 opor COVID19 facilities aro 11 lakh opor isolation beds ase. Desh te 1300 nesana testing labs ase aro 5 lakh opor tests toh hotai din loi ase.
  3. Poila choi moina te, India ke PPE Kit manufacturer thaka nai. Aji 1200 opor manufacturers para 5 lakh opor kits toh hotai bonai (produce). Poila India toh tusara desh para N-95 masks order kora thakise. Hoilebe aji 3 lakh opor N-95 masks toh hotai din India te bonai.
  4. Khali ekta resolve ase aro etu toh sob Indians laga jevaan bachabole. Resolve para ektum phal results toh ami khan ke deshe. India para PPE, masks aro testing kits opor te kaam kora toh ektum kamiyaab howa kisha ase.
  5. Coronavirus kelaaf dangor fight te, ami khan corona specific health infrastructure bonabo nemide important thakise. Etu karni para he Centre para poila Rs 15,000 crore package announce kora laga ase.
  6. India laga talented scientists toh manu ke moraideya virus moridebo nemide dawai bona te kaam kori ase.
  7. COVID-19 fight te, ami khan point te ahishe. Ami khan awareness lack kora nai, scientific data expand kori ase aro resources othai ase.
  8. India te coronavirus para mora toh tusara besi dangor desh para be ektum komti ase. Thek samai te thek fesla lowa nemide, India toh COVID-19 kelaaf fight te tusara desh para be phal position te ase.
  9. Festivals toh corner te ase. Ami khan ektum hosiyar hobo lakae festivals para kushi te dekthari nahobole aro etu para virus phela laga karan hobole.
  10. Vaccine naha tak khali ekta solution toh basic health gygiene- masks laka, hand sanitisers jola, distance maintain kora – nesana ase.