Sunday din Prime Minister Narendra Modi para Bahujan Samaj Party (BSP) chief Mayawati ke huta toh, “State laga Alwar district deh Dalit maike logode gang-rape howah khobor janikena apuni Rajasthan government deh support deya toh kelay nachari”.
Rajasthan deh Chief Minister tog Congress party laga Ashok Gehlot ase.
Prime Minister Modi para kotha toh Uttar Pradesh laga Kushinagar jaga deh election rally lowah time deh koishe. Tai para koishe, “Behjenji, apuni logode guest house deh ke ke hoishe, etu para desh laga maike logode dekthari paishe. Apuni desh laga maike bacha logode morom korishe koile Dalit maike logode raped howah shaat-shaat deri nakori kena Rajashan government deh support de-thaga charidebo lagisele. Apuni toh khali sukhu pani kerai kena statement he de-ase.
Saturday din BSP supremo Mayawati para demand kora toh, galdi kora khan logode namora tak pashi (hanged) debo lagi. Tai para aro kowah toh, etu case deh deri kora nemide Supreme Court para State laga Congress government, police aro administration logode action debo lagi.
Add Comment