PM Modi para natural farming te kotha koishe

New Delhi: Thursday din Prime Minister Narendra Modi para desh pura summit natural & zero-budget farming, Gujarat te thakai samai farmers aro scientists logot kotha koishe. National summit toh 3 din nemite December 14 para soruh hoikena December 16 darik te kotom hoishe. Prime Minister para virtually te farmers logot 11:am para kotha koishe. BJP para Mandal sob te screens bonaishe aro Prime Minister para kotha kora te farmers sob ke saboli invite korishe. Etu programme toh 11 am para soruh hoikena 1 pm dak thakishe,” koikena BJP National General Secretary Arun Singh para janaishe. BJP leader para details hesab te koishe ke, 9,500 mandals neshina bonaikena screens installed korishe. “Prime Minister para farmers laga income double koribo nemite kam kori ase. Ami khan natural farming othabo nemite aro farmers laga incomes othabo,” Singh para aro janaishe. “besi tangor change ahiboli ase aro etu para farmers khan besi faita thakibo. Desh alag-alag jaga te BJP workers para Prime Minister laga kotha honibo,” tai para aro koishe. Prime Minister’s Office laga official statement hesab te, PM Modi para farmers logot national meeting te kotha koishe. “Zero Budget Natural Farming toh promising tool ase aro etu para farmers khan ke agriculture saman daam komti hoikena traditional field-based technologies para soil health bhal koribo. Desi cow aro tai laga dung aro urine para besi tangor role loi ase aro farm kora samai etu para bhal nutrients soil thiboli koishe. Dosura traditional practices neshina biomass aro saal pur soil covered kora para productivity toh 1^st saal para be kam koriboli lage,” koikena PMO para statement te junaishe.