PM Modi para Rajya Sabha laga 250th session marks korise

New Delhi, 18 November: Monday din Upper House of Parliament laga 250^th session deh kotha kora time deh Prime Minister Narendra Modi koise, “Rajya Sabha toh India’s federal structure laga aatma ase”.

PM Modi para etu toh ‘eternal’ ase koikena koise, “India laga federal structure laga aatma toh ketiya be kothom hobole nahoi”.

Rajya Sabha laga 250^th session deh landmark kuribo nemide PM Modi para sob Parliament laga Members ke congratulate kora thakise. Tai koise, “250^th toh hoile khali samai nahoi nahoilebe etu toh ekta journey ase”.

Prime Minister Narendra Modi koise, “Upper House para olob historical days toh dekhise. Rajya Sabha laga part nemide etu toh kushi laga ase. Rajya Sabha laga 250^th session deh thaga nemide ami ektum kushi ase”.

Tai koise, Rajya Sabha toh electoral politics ekala nahoi kena desh deh motob debo nemide aro development nemide manu khan ke opai dae.

2003 sal Rajya Sabha laga 200th session time deh Atal Bihari Vajpayee Ji thaga ke yaat korikena PM Modi koise, Kon para hoilebe ami khan laga second House (Rajya Sabha) toh secondary house nemide treat korikena galdi nakoribo lakae. India laga development nmeide etu toh supporting house hobo lakae”.

Modi koise, Rajya Sabha para cooperative federalism laga spirit nemide manae. Tai koise, constitution para ami khan ke Welfare State nemide inspire kori aro ami khan ke states laga weldare nemide kaam kuribole motivates korae.

Prime Minister koise, “Ketiya hoilebe desh laga phal nemide Rajya Sabha toh event deh othise. Dangor biswaas thaga toh, yati Triple Talaq bill toh nahobole thakise. Hoilebe etu toh kori deshe. Etu house deh passed howah bechide GST tak be hosha hoise”.

PM Modi para Nationalist Congress Party (NCP) aro Biju Janata Dal (BJD) ke ektum kushi powah toh janaise. Kelay koile House laga Well deh nakushi kena phal para parliamentary norms deh thaga nemide. PM koise, “Well of the House deh nakushi kena tai khan laga politics ke ketiya be affect howah nai aro tai khan para mon toh jeti loise. Sob political party tai khan para hekibo lakae”.

Prime Minister koise, Rajya Sabha toh checks aro balances laga ase. “Etu toh ektum kaam laga ase.. yati checking aro clogging majode alak toh ase”.

Winter Session agae deh Prime Minister Narendra Modi koise, tai toh sob issue opor deh phal para kotha kuribole biswaas ase.

Winter Session toh December 13 direk tak thakibole ase aro pura 26 din time deh total 20 sittings thakibole ase.

Election deh second par nemide Prime Minister Narendra Modi korai ahiya bechide etu toh Parliament laga second session hobole ase.