Agencies, 02 May: Sunday te Prime Minister Narendra Modi para desh te oxygen laga generation te sabo nemite meeting te chaired thakise. Meeting te oxygen toh medical use nemite aro etu nemite nitrogen plants jolabole chance thaka opor te kotha korise. Covid-19 cases otha para kaam laga supplies oxygen nesana komti hoi kena dekthari powa toh Covid-19 kelaaf medical intervention te ekta kaam laga ase kelay koile konbah cases te respiratory dekthari howa nemite.
Prime Minister’s Office para statement hisab te, PM Modi para meeting te khobor janaideya, “Besi industries para combustion processes aro power plants jolai thaka te oxygen ase aro gaseous oxygen olai. Etu toh medical use nemite junibole paribo. Enaka industrial units demand centres osor te thaka te janibo nemite strategy toh rakhise aro source osor te olop samai nemite Covid care centres logote oxygenated beds bonaishe. Enaka 5 facilities nemite ekta pilot/trial toh suru kora be korise”.
Statement te aro koise, enaka plants osor te olop samai karni hospitals bonai kena 10,000 oxygenated beds toh katha samai te available bonabole bhabona ase. Medical oxygen olabo nemite industry associations laga motob logote 37 nitrogen plants toh janishe. Enaka ekta modified nitrogen plant toh osor hospital te shift koribole paribo nahoile judi plant shift koribole naparile, etu toh on-site production of oxygen nemite jolabole paribo aro specialized vessels/cylinders para hospital te transport koribole paribo.
Add Comment