Agencies, 19 November: Prime Minister Narendra Modi para desh te kotha kora samai centre para sob tinta farm laws hatabole fesla korise koise. PM Modi para tinta laws hatabole laga procedure toh Winter Parliament session te suru koribole ase koise. Tai para sob farmers ke tai khan laga families jaga te koraijabole koise.
PM Modi para Guru Nanak Jayanti laga occasion te desh logote kotha kora samai tai para ke chese khan korise etu toh farmers nemite korise koise. Tai kora toh desh nemite ase koise. Apuni laga ashirbad logote, tai laga dukh kaum te ketiya be eku chese chara nai koise. Aji tai assure korise koise, ektum dukh kaam koribole kelay koile apuni laga bhabona aro desh laga dreams te aro janibo nemite.
PM Modi para be ketiya tai 2014 te PM hoise, tai khan (government) farmers’ welfare & development te prioritised korise koise. Besi jun toh hosha te najani kena ase koise. 80/100 toh small-scale farmers para howa tai khan te 2 hactares para komti mathi thaka aro population te 10 crores opor thaka. Etu horu manu toh tai khan laga survival ase koise.
Tai para tai laga government toh besi steps loise koise kelay koile farmers ke tai khan laga dukh kaam khan te thek poisa toh pabole ensure koribole nemite. Tai para ami khan rural infrastructure market gara korise koise. Ami khan khali MSP nahoi hoilebe record govt procurement centres bonaishe koise. Ami khan laga govt para procurement toh jaija besi sal laga record break korise koise.
PM Modi para be tai laga government para kaam kora, farmers ke sosta daum para pejon deya aro facilities – micro-irrigation, 22 crore soil health cards nesana deya te yaat korise. Tai para enaka factors nemtie agriculture production othibole motob hoise koise. Ami khan Fasal Bima Yojana annishe aro etu te besi farmers ke anishe koise.
PM para be tai laga government toh farmers nemite kaam kori thakibole ase koise aro tai para khobor janaishe, tai khan para MSP toh besi phal bonabo nemite Zero Budget Natural Farming bonabole fesla kora. PM para be ekta committee bonabole ase koise aro etu te Centre, State representatives, farmers, scientists aro economists melikena thakibo koise.
Farmers laga jawab tinta farm laws hata te
Farmers para PM Narendra Modi laga khobor tinta farm laws hatabole janaideya te welcome korise. Eki samai te, Bharatiya Kisan Union (BKU) leader Rakesh Tikait para tweet te agitation toh bechae nakoribo koise, Parliament te farm laws nahata tak. BKU-BHANU President Bhanu Pratap Singh para tai etu move te welcome korise koise. 75 sal nemite anti-farm policies nemite farmers toh debts nemite morishe koise. Tai para PM Modi ke ekta farm committee bonabole aro etu para crop rates te fesla koribole nemite koise. Farmer laga loans toh aji janaideya nesana hatabo laki koise.
Add Comment