PM Modi para Vibrant Gujarat Global Trade Show inaugurate korishe

New Delhi, 17 January: Prime Minister Narendra Modi toh tin-din karni Gujarat deh jai kena ase. Gandhinagar jaga deh summit toh January 18 direk para 20 direk tak lobole ase. January 17 para 19 direk tak karni jaa time deh PM Modi toh tusara programme debe thakibole ase. Tai Silvassa jaga para par hoikena neighbouring Union Territory of Dadra aro Nagar Haveli jaga deh be thakibole ase. Jowah kali pongja bechide PM Modi para Gandhinagar jaga laga ‘Vibrant Gujarat Global Trade Show’ inaugurate korishe. Aji morning deh, PM Modi para tin-din summit inaugurate kuribole ase. Five desh laga Heads aro 30,000 para be besi national aro international delegates deh- India laga dangor companies laga CEOs aro abroad khan be summit laga 9^th edition deh ahhaibole biswaas kori ase.

PM Modi para Ahmedabad, Gujarat jaga laga Sardar Vallabhbhai Patel Hospital toh inaugurate korishe. VS Hospital deh 1,500-bed hospital toh bonaishe aro etu toh BJP-ruled Ahmedabad Municipal Corporation (AMC) para jolai.

Indian business tycoons toh Vibrant Gujarat Global Summit laga 9^th edition deh ahhaibole biswaas kori ase. Etu deh Mukesh Ambani, Uday Kotak, Kumar Mangalam Birla, Gautam Adani, Adi Godrej aro Pankaj Patel be ahhaibole biswaas kori ase.

Global companies laga CEOs aro top executives- BASF, DP World, Suzuki, Vanguard aro  Maersk nesana khan be ahhaibole biswaas kori ase.