May 6, 2024: Congress leader aro Punjab laka former chief minster Singh Channi para Saturday din, Pooch laka jaka deh hua terror attack tho BJP laka political stunt ase kui shae 2024 election campaign time deh. Hoile b Indian Army kan lokot deh confirmation ase, kom seh kom chartha groups kan Rajouri-Pooch sector deh operate kuri ase kui nah aro alak alak Pakistani based terror group laka ase kui nah.
Terrorist kan IAF convoy laka teetha gari deh assault rifles nishi nah weapons kan chulai nah goli mari shae, kuto para ekta IAF corporal keh murai di shae aro alak charjun keh jokom kuri di shae. Perpetrators kan tho jaka para pola bole pari shae. Rajouri-Poonch secto tho LoC laka osor deh ase aro etu jaka deh armed forces aro civilians laka upor deh terror attack hui takeh.
Prime Minister Narendra Modi, tai nijor b etu random terror killings hua deh jinta ase aro taila jinta tho Indian Army laka top brass keh b janai di shae. Hoile b etu belt para terrorist kan keh hata bole ekta major counter terror operation laki bo. Hoile b etu kuri shae koile tho casualties kan bishi na bo, jaka laka terrain karne.
Add Comment