RANCHI, SEPTEMBER : Sunday din Prime Minister Narendra Modi pora Ayushman Bharat-Pradhan Mantri Jan Arogya Yojana (AB-PMJAY) Scheme ulaidese. Aro etu Scheme pora 5 lakh Medical kan banaidebole hisabte manai ase koise. Etu Scheme laga hisabte kuntoh desh kebi etu nesena Scheme toh kholi kena nai koise. Aro etu Scheme toh duniya pora sobse dangor wala Scheme ekta Sorkar-Funded Healthcare Programme ase koise. Aro etu Scheme suru kuridiya toh Jharkhand laga Capital Ranchi te suru kuridese koise.
PM Modi pora etu Scheme toh Sunday din, September 23 2018 te ulaidese. Huilebi etu Scheme toh Pandit Deendayal Upadhyay laga junum din 25th September 2018 porahi kam jula suru hobole ase koise.
Etu Scheme bitorte manu kan 50 crore kan ke bhal hobole (benefit|) laga ase. Aro etu hisabte etu Scheme pora India manu kan bhal hobole kura toh Americal, Canada aro Mexico porabi besi wala hisabte ase koise.
Etu din nemite kotha kurikena PM Modi pora manu kan besi bhak pora etu Scheme ke alak-alak hisabte babuna kuri aro alak-alak naam hisabte mati. Huilebi tai nemite toh etu Scheme toh dukhiya manu kan nemite hi ase. Aro etu karne Sunday din etu Scheme ulaidebole kura toh India desh laga kahani te ekta bhal laga kotha ase koi kena janaide thakise.
Etu Scheme laga bitorte 8,735 Hospitals kan Public bi aro Private bi banaide kena ase. Aro etu toh sob etu scheme Ayushman Bharat Scheme nemite hi ase. Aro etu oporte 31 states aro Union Territories kan etu Scheme nemite MOUs toh Centre ke sign kuri kena ase. Aro scheme toh tai kan sob States aro UT te Programme manai kena suru kuribole ase koise.
Dimapur te bi AB-PMJAY : Ami kan desh sob logot eke pora melekena etu Ayushman Bharat – Pradhan Mantri Jan Arogya Yojna (AB-PMJAY) toh Dimapur te suru huise. Etubi Minister, PHE Nagaland, Jacob Zhimomi pora District Hospital Dimapur te 23rd September 2018 te.
Etu Scheme laga bhal kotha janaide kena etu Minister Jacob pora etu Scheme toh ekta Flagship Programme, Government of India laga ase. Aro etu Scheme toh Prime Minister Narendra Modi pora ulaidiya laga ase koi kena janaide thakise. Aro etu ulaidiya toh asul te etu Medical chis kana mi kan desh sob manu kan ke debole karne ase koise.
Tai bi etu Scheme toh ekta National Health Protection nemite ase. Aro etu Scheme laga naam porabi bemar hua khor manu kan Rs. 5 lakh poisa toh Health nemite debole ase koise. Etubi ekdam dukhiya aro kao thik nahui kena aro bemar huikena thaka kan ekdam dukh kuri kena thaka kan nemite. Aro tai bi bemar hua kan aro ekdam dukh kurikena thaka kan kao sabole karne etu Scheme laga naam pora kut jaka te huilebi ami kan Desh majut laga ke sabole karne Hospital te jabo bari koise.
Etu din te ADC Dimapur, Albert Ezung porabi etu Scheme aro Health laga bhal kotha kan janaide thakise. Aro etu din laga Programme te CMO Dimapur, Dr. Vikato Kinimi pora ahkete luijai kena manaise. Chaplain DHD, Rev. Yhhunlo Thong pora Isor laga bhal kotha janaise. Aro Vote of Thanks toh Medical Superintendent District Hospital Dimapur, Dr. Z. Kheshito Zhimo pora kuridese koise.
Add Comment