Kolkata, March 6: Prime Minister Narendra Modi pra Wednesday dae India lah first underwater metro section inaugurate kurishey Kolkata dae. Tai pra etu City of Joy dae school students khan lokot ekta underwater metro ride bhi luishey.
Prime minister kae manu bishi pra welcome kruishey Esplanade metro station dae aha time dae. Etu manu khan kae dikhishey ‘Modi Modi’ aro ‘Jai Shri Ram’ mati kina. Modi pra bhialak alak connectivity projects upur foundation stones bhi thalishey kutu lah worth Rs 15,400 crore asey.
Kolkata Metro lah Howrah Maidan-Esplanade section tho desh lah first underwater transportation tunnel asey. Etu tho desh lah sobse deep metro station asey.
Metro Ralway lah hisab dae, etu East-West Metro lah 4.8 km stretch tho Rs4,965 crore lah cost dae panaishey.
TOI lah ekta report hisab dae, ticket lah price tho Rs 5 pra shuru kurey aro Rs 50 tak huwo station lah distance hisab pra.
Add Comment