Chandigarh, January 18: Ferozepur district para Bharti Kisan Union (Krantikari) aro Krantikari Pendu Mazdoor Union laga 25 members laga khilaf te 3-saal purana case laga connection te arrest warrant issue kurisey. Etu case tu Prime Minister Narendra Modi para January 5, 2022 te etu jaga visit kora homoitey security breach(izazat nathakikina jankari hasil kora) kora laga asey. PM Modi, kun Ferozepur te ekta rally te bhasan dibole thakisey, tai tu etu union laga member khan para Piareana flyover te ekta protest rakha picheyte wapas jabole lagisey.
Suru te January 6, 2022 te IPC Section 283 under te najanikina thaka manu khan laga khilaf te ekta FIR register hoisiley. Hoilebi, BJP leader khan para etu kamjor FIR laga opor te objection utha picheyte, SIT laga 3ta member thaka committee form kurisey. Investigation kora picheyte, aro alag alag charges jaiseki IPC Section 307(attempt to murder), 353 ( public servant opor te assault kora), 341 (misa misa badha kora), 186 (duty te badha ana), 149 (gairkanooni jama huwa) aro National Highway Act 8-B lagaisey.
FIR para 26 manu laga naam mention kurisey. Kuntu Baldev Singh Zira, BKU Krantikari laga general secretary aro Krantikari Pendu Mazdoor Union laga leaders aro dusra union member thakisey. Ekjun accused, Major Singh tu poila para murisey, aro enaka kurikina etya 25 manu arrest face kuriasey.
Add Comment