NEW DELHI, OCTOBER 24 : Prime Minister Narendra Modi ke Seoul Peace Prize koi kena 2018 sal nemite baise. Kele tai International Cooperation aro Global Economic Growth kan nemite besi bhal pora kam julai kena ahkete ahebole kurise. Etu karne etu bhal kam nemite etu Award bai ase koi kena, khobor te janaise.
Wednesday din Ministry of External Affairs pora khobor te PM Modi pora tai etu bhal Award baa karne besi khushi bai ase. Aro etu oporte Republic of Korea logot India desh kan bhal te mela-mele kura rasta te aheja karne besi khushi baise koi kena janaise. Aro tai etu Award toh khushi pora manise (accepted) koise.
Ministry porabi etu Award toh PM Modi ke Seoul Peace Prize Foundation kan pora debole ase koi kena janaise. Aro etu Seoul Peace Prize toh 1990 sal te pora ula laga ase. Etubi 24th Olympic Games koi kena Seoul te bhal te manabole bara laga naam pora. Aro etu Award debole karne ula toh Korean manu kan Korean pani (peninsula|) nemite besi chamala ulai kena thaka ke shant banaidebole (peace) kura laga naam pora debole kura laga ase . Etubi kun-kun etu Peace nemite kam manibole kuri etu kan ke debole karne koi kena, khobor te janaise.
Add Comment