Agencies, 08 January: Monday te Prime Minister Narendra Modi para sob states laga chief ministers ke coronavirus dawai olabole nemite meeting lobo. Meeting toh via video conferencing para lobo aro etu toh 4 pm nesana te kotha koribole bhabona kori ase
Etu meeting lobole laga kotha ola toh desh para tusara par dawai nemite dry run lowa samai te ase. Sunday te, Drugs Controller General of India (DCGI) para tuita dawai nemite mana thakise. Etu toh Oxford-AstraZeneca’s Covishiefd aro Bharat Biotech’s Covaxin te emergency use authorisation nemite mana thakise.
Priority sector nemite mass vaccination toh ahibole hapta te suru koribo nesana ase. Din te, Union Health Minister Harsh Vardhan para government toh sob ke dawai debole nemite process te ase aro drive toh joldi para suru koribole ase koise. Vardhan para ant-coronavirus vaccination dry run te shaa toh Rajiv Gandhi Government Hospital, Chennai te ase aro Covid-19 dawai nemite storage facilities te be.
Tai para India toh tuita anti-coronavirus dawai bonaishe aro etu toh emergency use nemite sanctioned korise koise aro etu toh desh te COVID-19 pandemic olai kena ek sal pithor te hoise koise.
Reporters ke Vardhan para Covid-19 vaccine toh first healthcare professionals, frontline workers, army aro para military personnel, sanitary workers ke sanction koribo koise.
Tai para nect phase te, 50 opor sal aro 50 nejae sal kon bemari te ase etu khan ke first dawai toh debo koise. Tai para be tuita neighbouring desh te poliovirus cases report hoise aro etu desh toh precautions lobo kali koise.
Add Comment