Agencies, 30 October: Saturday te Pope Francis para Prime Minister Narendra Modi ke ekta private audience at Apostolic Palace, Vatican te received korise. Etu toh Indian PM aro Pope majote agae par ase 20 opor sal bechite.
June 2000 te, late Prime Minister Atal Bihari Vajpayee toh last Vatican te lok kora thakise aro Pope, John Paul II ke lok kora thakise.
Tuita desh majote diplomatic relations toh 1948 para ase.
Prime Minister’s Office (PMO) para ekta statement te koise, lok kora samai tuita leaders para COVID-19 pandemic te kotha kora aro etu dekthari duniya laga manu ke howa opor te kotha korise. Tai khan be climate change para challenge te kotha korise koise.
PM Modi para Pope ke India para climate change te fight koribole initiatives lowa opor te koise aro India para be one billion COVID-19 vaccination doses deya te kamiyab howa opor te janaishe kosie.
Pope para India laga motob desh khan te pandemic samai deya nemite kushi janaishe koise.
Prime Minister Modi para be early date te India te lok koribole Pope Francis ke invite korise aro etu te kushi para manishe koise.
Statement te Prime Minister be Secretary of State, Cardinal Pietro Parolin ke lok korise koise.
Add Comment