PM Narendra Modi laka Russia visit: Ukraine tho agenda deh ase

July 8, 2024: Prime Minister Narendra Modi, July 8 din deh, Russian President Vladimir Putin lokot deh ekta one-on-one private dinner lubo leh ase, Aro etu laka aha din deh, tai, Austrian Chancellor Karl Nehammer lokot deh mili bole ase, India laka energy security protect kuri bo karne aro Moscow, Vienna laka jaka para clean aro green technologies secure kuri bo karne. Last time, PM Modi aro President Putin enaka dinner lua tho, 2015 sal deh taki shae, Kremlin deh. Etu time deh, Indian PM keh, Russian President laka private resident deh host kuri ase. Pm Modi keh physically, Order of St Andre the Apostle the First confer kuri bole ase. Etu tho sobse upor state decoration ase, kuto Russian Federation para deh. Ukraine war karne Europe kan West Asia para energy supplies dam para kini ase. India kan, Federation lokot deh taikan laka engery ties kara kuri bo karne PM Modi, Moscow deh jah ase. Hoile b, taikan laka majo deh main kotha tho Ukraine war deh taki b oleh ase. War tho global markets aro security situation keh destabilize kuri nah ahi ase.  Ukraine laka against war deh India manu kan keh recruit nakuri ja b kui nah, PM Modi, President Putin keh hudi bole ase. Tai, Space aro Nuclear Energy laka field deh b, Russia lokot deh connection deep kuri bole koshish kuri bo ase.