PM Narendra Modi, para Swapnil Kusale ke bronze jitia karney congratulate kurishey

Paris, 1 August : Prime Minister Narendra Modi, President Droupadi Murmu aro Reliance Foundation Chairperson Nita Ambani pada shooter Swapnil Kusale ke Thursday, August 1 dey Paris Olympics 2024 dey men’s 50m Rifle 3 Positions dey ekta bronze medal jitia karney congratulate kurishey. Modi para kuishey ki Swapnil laga performance toh exceptional asey kiley kuiley tai para resilience aro skills dikhaishey. Tai kuishey ki Swapnil toh agey Indian athlete asey kun 50m Rifle 3 Positions category dey ekta medal jitishey. President Droupadi Murmu, Swapnil Kusale ke Paris Olympics dey men’s 50m rifle 3P event dey tai laga bronze medal jeet dey congratulate kuria homoi, kuishey ki tai Swapnil Kusale para future dey aro bishi laurels jitiwoley wish kuri asey. Itu homoi, IOC member aro Reliance Foundation chairperson Nita Ambani para bhi Swapnil Kusale ke Paris Olympics 2024 dey tai laga achievement karney congratulate kurishey. Tai 451.4 laga ekta aggregate score logot third position luishey. Itu 28-saal Swapnil Kusale para shooting dey India laha third overall medal luishey. Wednesday dey, Swapnil Kusale toh men’s 50m 3P qualification round dey seventh khotom huina final karney qualify huishey. Former Indian shooter aro Olympic gold medallist Abhinav Bindra para bhi Swapnil Kusale ke tarif kurishey. Abhinav kuishey ki Swapnil laga hard work, grit, aro passion pay off kurishey.