Agencies, 13 April: Wednesday (April 13) te Prime Minister Narendra Modi para 1919 saal te Jallianwala Bagh massacre te morai deya manu khan ke samaan/tributes deshe aro tai khan laga bahadur aro balidan para ahibole generations ke motivate kori thakibo koise.
Colonial administration te nama Rowlatt Acts kelaaf manu khan shanti para protest kori thaka te British forces para eku provocation nathaki kena bondukh hamla kori kena manu khan ke morai dehse thakise aro etu toh ekta ektum brutal howa thakise.
Modi para ekta tweet te koise, etu din 1919 saal te Jallianwala Bagh te martyred nemite tributes. Tai khan laga unparalleled courage aro sacrifice para ahibole generations te motivate kori thakibo koise.
Jallianwala Bagh massacre toh 103 saal bechae April 13, 1919 te howa thakise. Etu din te hundreds manu khan ke colonial forces para morai deya thakise. British para olop 300 manu moraise kowa thakise hoilebe ottu samai laga Congress Party para komti hoilebe ek hazar manu khan ke cold bood te murdered kora thakise koise.
British para ekta draconian Martial Law imposed kora te public gatherings bondh kora thakise hoilebe manu/public khan etu opor te najani kena thakise. Etu kala din te, thousands manu khan toh Baisakhi festival mana te ahha thakise aro etu toh 1919 saal laga April 13 te thakise.
Bondukh hamla kora toh Colonel Reginald Dyer laga hokom para thakise aro tai toh acting Brigadier hisab te thakise. Tai para sepai khan ke mana jama howa khan ke hatijabole nakoi kena hamla koribole kowa thakise. British sepai khan tuita armoured cars aro machine guns para armed thakise aro sepai khan Scinde rifles jola thakise.
Add Comment