Kiphire, 01 May 2025: PM Shri Government High School, Yangphi, Kiphire Cultural Day 30th April 2025 din Hopongkyu Memorial Hall te bhal aru excitement logot celebrate kurise. Programme te SMDC members, teachers aru students present thakise. Programme chairperson thakise Graduate Teacher, Y. Mhono.
Programme T. Chohose Sangtam laga invocation prayer para start kurise, aru Assistant Headmaster Lipiri Sangtam keynote address dise. Tai gathering ke welcome kurise aru cultural activities laga importance bhi highlight kurise.
Programme te bisi cultural activities thakise juntu region laga rich heritage ke showcase kurise. Students khan traditional folk songs present kurise alak alak tribes para; Sangtam, Sumi, Yimkhiung, aru Tikhir. Individual events bhi thakise juntu te war cries, bamboo gun firing, five stones, aru rice winnowing competition thakise. Bisi students actively participate kurise, nijor talent aru skill dikhai se.
Group folk song category te Tikhir tribe winner baishe aru Yimkhiung tribe second position loi se.
Exhortation speech te Lutoli, SMDC member, students khan ke hard work kuribole aru excellence laga piche jabole encourage kurise. Tai promise kurise ki HSLC Exam 2026 te first position anya student ke Rs.10,000 (Ten Thousand) cash prize dibo.
Programme te ADC Lichumse Sangtam, District Mission Authority, aru Project Assistant Cholimong bhi thakise. Vote of thanks Lipiri Sangtam, Assistant Headmaster para dise.
Programme Mughasheli laga thanksgiving prayer logot khotom kurise. Celebration ekta example ase ki school kenika kurikena region laga rich cultural heritage ke preserve aru promote kuribo nimite committed ase.
Add Comment