Peren, September 25 – Pradhan Mantri Vishwakarma Scheme laga toolkit distribution programme held kuirshe Peren District Headquarter te District Industries Centre (DIC), Peren para, 25th September 2025 te.
Deputy Commissioner Peren, Hiazu Meru para 21 jon beneficiary ke toolkit handover kuri she, juntu khan 7 din training Polytechnic Institute, Peren te successfully complete kurishe.
DC Meru laga speech te, tai beneficiaries khan ke encourage kuri she ki government para provide kora toolkit khan properly use kuribo lage. Tai emphasize kuri she ki etu toolkit neglect nakuribo lage, kintu livelihood improve kuribo karone use kuribo lage. Beneficiaries khan ke urge kuri she ki training te sikha knowledge aru skill apply kuribole, nijor nijor village aru town te jai kina, awareness spread kuribo karone jate beshi manu scheme para benefit kuribole.
DC highlight kuri she ki etu 21 jon beneficiaries toh Peren district laga first batch trained artisan ase under PM Vishwakarma scheme, aru taikan “ambassador” hobo scheme laga. Tai encourage kurishe ki taikhan nijor kaam para ekta good example set kuribo. Entrepreneurs laga role bhi mention kuri she, ki taikhan district economy strong banabo karone important ase, aru skilful aru productive kaam kuribo lage toolkit support para.
Entrepreneur side para, Gailailung gratitude express kuri she Department of Industries & Commerce ke, opportunity aru support provide kora karone.
Programme toh Functional Manager, DIC Peren, Namziulung chair kuri dishe, aru welcome address General Manager, DIC Peren, Kughato Sema para dishe.
Add Comment